printf(), lehen hurbilketa

Funtzio honek stdout irteera estandarrean (pantailan) formatuarekin idazteko balio du. Hainbat karaktere eta/edo aldagai-balio idazteko balio du. Sintaxia hau da:

printf(kontrol-katea, arg1, arg2, ...);

Non:

• kontrol-katea katean adieraziko da zer formatutan agertuko diren ondorengo argumentuak (baldin badaude)
• arg1 lehen argumentua edo parametroa (aukerakoa)
• arg2 bigarren argumentua edo parametroa (aukerakoa)

Adibideak:

• Argumenturik gabeko testu-kate soila...
      printf("Kaixo mundua");
• Argumenturik gabeko testua ihes-sekuentziekin...
      printf("\t Helbidea: Kale Nagusia, 7 \"Hondarribia\" \n");
• Argumentu batzuk erabiltzen badira, kontrol-katea katean beste horrenbeste aldatzaile adierazi beharko dira. Aldatzailea % karaktereak osatzen du, eta, horrekin batera, idatziko den balioa zein datu-motakoa den zehazten duen markatzailea adibidez d zenbaki osoa zeinuarekin idazteko...
      printf("%d da bere balioa", iZenbakia);
      printf("%d + %d = %d", iZbk1, iZbk2, iZbk1+iZbk2);
      printf("%d %% %d = %d", a, b, a%b);   (bikoitza beharrezkoa %-a erakusteko)

printf() funtzioaren formatu-zehaztatzaile gutxi batzuk

Zehaz.	Deskribapena	Adibidea	Ikasi
%%	Inprimatu % sinboloa.	%	BAI
%d	Osoko hamartarra zeinuarekin.	-9125	BAI
%f	Zenbaki erreala edo puntu flotatzailea.	74.9315	BAI

Formatu-zehaztatzaile gehiago ikasteko, ikusi ere printf(), bigarren hurbilketa izenburuko artikulua.

Bestalde, jakina denez, printf() funtzioak ihes-sekuentziak onartzen ditu ere. Hauek izan daitezke gehien erabiltzen diren ihes-sekentziak (Ariketa-01_KaixoMunduaBerriro.cbp proiektua gogoratu):

printf() funtzioaren ihes-sekuentzia batzuk

Zehaz.	Deskribapena
\n	Lerro berria.
\t	Tabulatzailea.
\0	Karaktere-kateen bukaera adierazteko. ASCII taulako 0 ordinala duen karakterea.
\a	Alarma-soinua. ASCII taulako 7 ordinala duen karakterea.
\"	Kakotx doblea. ASCII taulako 34 ordinal hamartarra (edo 22 ordinal hamaseitarra) duen karakterea.
\\	\ karakterea idazteko. ASCII taulako 92 ordinal hamartarra (edo 5c ordinal hamaseitarra) duen karakterea.
\xdd	ASCII kodea notazio hamaseitarrean. Non, \x zatia finkoa den eta d bakoitzak digitu hamaseitar bat adierazten duen (0-tik f-ra).